Descripción
A ARMH traballa para investigar, visibilizar e homenaxear aos deportados galegos aos campos de concentración nazis, recuperando as súas historias e atendendo ás súas familias..
Tralo golpe de Estado en 1936, moitos galegos fuxiron a Francia buscando liberdade, pero acabaron en campos de refuxiados, no exército francés ou na Resistencia. Como prisoneros de guerra foron enviados a stalags como Estrasburgo, Trier ou Fallingbostel. A pesar das peticións de repatriación feitas polos alemáns, o goberno franquista abandonounos ao seu destino.
En total, máis de douscentos galegos compartiron este destino. Entre eles vintetrés homes da cidade da Coruña. Con ese libro, rescátanse as súas historias. Cada un destes nomes representa unha vida truncada, cuxa memoria merece ser recoñecida e dignificada, asegurando o recoñecemento social e histórico que se lles debe.
Adriana Pereiro Álvarez é licenciada en Humanidades pola Universidade de Oviedo no ano 2015, e especializouse en Patrimonio en 2016. Traballou en varios arquivos e bibliotecas con documentación histórica. Conviviu durante un ano en Irlanda con persoas en situación de vulnerabilidade.
Levou a cabo investigacións sobre represaliados durante a Guerra española e a ditadura franquista e presidiu conferencias e mesas redondas sobre represión e mulleres. Actualmente está realizando diversas investigación sobre deportados en campos nazis.
David Lozano González, estudiou Ciencias Políticas e da Administración na USC onde realizou prácticas en Patrimonio e Urbanismo e investigou sobre socioloxía e as variables electorais. É experto en novas tecnoloxías.
Desde o ano 2021 investiga sobre persoas represaliadas polo Franquismo, e participa na divulgación da Historia reciente. Traballa tamén sobre a Deportación a campos de concentración.
103 páginas
Idioma: Gallego
